domingo, 28 de febrero de 2016
jueves, 25 de febrero de 2016
CONCELLERÍA DE MEDIO AMBIENTE
"Adeus ríos, adeus fontes"
23 de febreiro de 2016
Perante as vindeiras conmemoracións do Día Forestal Mundial (21 de marzo), do Día Mundial da Poesía (21 de marzo) e do Día Mundial da Auga (22 de marzo), a concellería de Medio Ambiente de Fene impulsará este ano o programa “Adeus ríos, adeus fontes”, dirixido ao conxunto da comunidade educativa do Concello de Fene e, en particular, ao alumnado de Primaria.
Ilustración de Philiphot (fondos do Museo do Humor)
Cinco centros escolares do municipio -o CPI A Xunqueira, o CPR Jorge Juan e os Ceip de Centieiras, O Ramo e Os Casais- partiparán nesta iniciativa coa que se pretende “conmemorar, de xeito transversal e interrelacionado, as tres efemérides”.
“Pór de relevo o valor das árbores e dos bosques, xerar conciencia sobre a importancia da auga para a vida e poñer en valor a poesía como xénero literario”, son os principais obxectivos de “Adeus ríos, adeus fontes”, segundo explica a concelleira de Medio Ambiente, Mariela Aguilar.
O programa xeral, dirixido ao conxunto da comunidade educativa, consistirá en distintas actividades que se desenvolverán a finais do vindeiro mes de marzo nos propios centros de ensino. Os/as alumnos/as participantes comezarán traballando na escolla de poemas relacionados coa auga e os bosques, amais de elaborar os seus propios poemas. Posteriormente plasmarán, tanto os poemas escollidos coma os propios, en flores de papel que, finalmente, pendurarán dunha árbore xigante (tamén de papel), instalada no colexio o día 1 de abril. Para esa mesma xornada, promoverase a lectura simultánea dun poema de Manuel María.
“Adeus ríos, adeus fontes” incluirá tamén unha actividade específica, dirixida ao alumnado de Primaria, que terá lugar o 1 de abril no parque liñal que hai baixo o viaduto da autoestrada. Consistirá na plantación de árbores autóctonas e na lectura de poemas (1 por centro). O alumnado e profesorado participante recibirá unha camiseta conmemorativa da xornada, serigrafiada cunha ilustración de Philiphot (fondos do Museo do Humor). Para o desenvolvemento desta actividade, contarase coa colaboración de persoal municipal, profesorado, 14 monitores/as contratados e voluntarios/as de protección civil.
Ligazóns
miércoles, 24 de febrero de 2016
jueves, 18 de febrero de 2016
lunes, 15 de febrero de 2016
lunes, 8 de febrero de 2016
VISITA AO MUSEO DE BELAS ARTES E O MUNCYT
OS ALUMN@S DE 5º E 6º DE E.P. VISITARON O MUSEO DE "BELAS ARTES"
A colección do Museo de Belas Artes da Coruña abrangue un bo número de pezas de pintura, debuxo, escultura, gravado, artes decorativas e arqueoloxía. A colección comeza a formarse a finais do século XIX e vai crecendo a través dos anos grazas a implicación de diferentes doantes, artistas, colectivos e institucións públicas. Dentro dos depósitos destacan os cadros pertencentes ao Museo del Prado. Outras institucións teñen colaborado na creación da colección do museo, como a propia Xunta de Galicia. A doazón de obras ao museo foi moi intensa, como o legado de dona Maruxa Seoane, ou o de Manuel Santiago Blanco e Carolina González. Nas últimas décadas o programa de adquisicións do museo tratou de completar a visión da arte galega desde o XIX ata os nosos .
NO MUSEO DE BELAS ARTES DA CORUÑA OS ALUMN@S ADMIRARON OBRAS DE SOROYA, LUIS SEOANE, ISAAC DÍAZ PARDO ENTRE OUTROS AUTORES.
"APOTEOSIS DE HÉRCULES" DE RUBENS
ACTIVIDADES REALIZADAS POLOS ALUMNOS NO MUSEO DE BELAS ARTES.
PARA VER AS OBRAS MÁIS DESTACADAS FACE CLIC NA IMAXEN
VISITA AO MUNCYT
O Museo Nacional de Ciencia e Tecnoloxía de España (MUNCYT) é un museo de titularidade estatal dependente da Secretaría de Estado de Investigación, Desarrollo e Innovación do Ministerio de Economía e Competitividade e xestionado pola Fundación Española para a Ciencia e a Tecnoloxía (FECYT).
FACEDE CLIC NA IMAXEN PARA ACCEDER AS EXPOSICIÓNS
jueves, 4 de febrero de 2016
Suscribirse a:
Entradas (Atom)