Os nosos nenos e nenas de 4º, 5º e 6º de Primaria leron o libro Vampira de biblioteca de Ledicia Costas e este martes, 27 de abril, tiveron a marabillosa oportunidade de compartir coa súa autora as súas impresións e escoitar as fermosas cousas que tiña para lles contar. Grazas Ledicia por compartir con nós o teu tempo.
Este curso para celebrar o día do libro propuxémoslle ao noso alumnado que pensaran sobre o libro que máis lles gustou, o que máis lles influiu, o que recordan con máis agarimo, ...
Coas súas aportacións debuxamos estanterías cheas de libros que encheron os nosos corredores e aulas.
O alumnado de infantil elaborou un verme lector, flores con frases e libros, estanterías de libros, ...
E as de secundaria
Hoxe é o día adicado pola ONU ao noso planeta. Queremos recordar dende o noso cole a importancia de respectar o lugar onde vivimos para non acabar destruíndoo.
Aquí vos deixamos o enlace á información que publica a ONU na súa web relacionada co tema deste día. Día da terra na ONU
Temos que tomar conciencia da importancia de respectar o noso planeta e buscar o desenvolvemento de actividades sustentables.
Nas redes sociais atopamos moita información sobre o tema.
Achegámosvos aquí unha publicación moi interesante sobre o tema. Nela preséntase de maneira clara cal é o problema e como podemos nós de maneira individual achegar a nosa aportación para mellorar a situación, rematando cun pequeno xogo. A súa autora é Sonia Cartón. Podes atopar a información no seguinte enlace: Día da terra
Imos un ano máis festexar o día do libro.
Queremos facer unha proposta para toda a comunidade educativa:
Animádevos a participar!!!
O mércores, 14 de abril, tivemos o enorme pracer de realizar dous encontros de escritores co noso alumnado.
Neste curso, estes encontros estamos realizándoos de maneira virtual. Aínda así, supoñen un aliciente para o alumnado ao poder falar directamente cos autores dos libros que están a ler.
Alfredo Gómez Cerdá recibeu o premio Fundación Cuatrogatos 2020 polo seu libro Ninfa rota. O alumnado de terceiro de ESO e os de oratoria de segundo de ESO participaron no encontro co escritor, despois de ler este libro. Foi un encontro moi interesante, no que o autor nos explicou como leva a cabo o proceso para escribir o libro, de onde saca as ideas, ... e respondeu ás preguntas do noso alumnado.
Héctor Cajaraville é periodista e profesor de ensino secundario. O noso alumnado de segundo de ESO leu o seu libro A caixiña dos rancores, que recibeu o premio Raíña Lupa de Literatura Infantil e Xuvenil no ano 2015. Puido escoitar ao autor do libro e trasladarlle as súas preguntas.
O alumnado agradeceu moito poder realizar estes encontros con escritores, xa que supón un complemento moi importante para a súa formación.
Dende San Valentín o noso alumnado da ESO está traballando coa poesía.
Para conmemorar o día da poesía deixámosvos aquí algún dos seus traballos
Esperamos que vos gusten.
Un ano máis achégase o día 8 de marzo, día da muller.
Neste ano tan difícil non queremos deixar de reivindicar o papel da muller na nosa sociedade. Por iso, dende o Equipo de Normalización e a biblioteca do noso cole, propoñemos a elaboración de acrósticos por parte do alumnado para realizar unha exposición con todos os traballos elaborados.
Os acrósticos terán como tema central a muller en calquera das súas facetas: investigadora, traballadora, nai, aventureira, ...
Este é o cartel.
Unha das nosas alumnas de quinto de primaria elaborou un documento animándonos a participar.
E xa fomos recibindo os primeiros traballos....
O día 24 de febreiro, día do nacemento de Rosalía de Castro, aproveitamos para recordar a súa figura.
Esta muller deixou unha gran pegada na nosa cultura. O noso alumnado levou a cabo diversas actividades para acercarse ela e coñecela mellor. Os alumnos e alumnas de 5º de primaria realizaron o vídeo recollendo as distintas tarefas.
Aquí vos deixo o vídeo que prepararon.
Esperamos que vos guste.
Tamén decoramos os taboleiros dos corredores con imaxes de Rosalía e acrósticos cos seus poemas
Este ano, polo 14 de febreiro, recordamos a importancia das palabras de ánimo, apoio, cariño e amistade e celebramos o San Valentín, nome tamén do barrio no que está o noso colexio.
O alumnado das distintas etapas realizou diversas tarefas: decoración de portas, elaboración de álbumes de poemas, ....
Aquí vos deixo algunha mostra destas actividades.
A colaboración de todos os científicos a nivel internacional deu froitos moi axiña na loita contra esta pandemia que nos cambiou a vida.
As mulleres tamén foron parte fundamental nestes avances.
Xa se acerca o 8 de Marzo e a proposta do noso CPI consiste en elaborar un acróstico relacionado coas mulleres.
Aproveitando esta proposta alumnado de ciencias da ESO elaborou algúns acrósticos sobre mulleres e ciencia.
Esperamos que moitas nenas se animen a traballar pola ciencia.
Damos as grazas a todas as mulleres que traballan pola ciencia e as que axudan a divulgar ciencia, entre elas as encargadas do club de ciencia do noso cpi.
Un ano máis chega o Entroido ao CPI A Xunqueira.
Este ano, a pesar da pandemia, imos celebrar esta festa tan galega.
Pero farémolo dun xeito un pouco diferente, a través dun concurso virtual de coplas do Entroido ao que nos convoca o Equipo de Normalización Lingüística do noso cole.
Cada día cumprimos co mandato do Meco neste Entroido 2021
O alumnado de secundaria escribiu unhas coplas
Tríptico coplas secundaria
Todos os nosos alumnos e alumnas festexaron o Entroido nas súas aulas. Tivemos que prescindir do desfile polo barrio, pero deixámosvos aquí o os vídeos que gravaron para que os desfrutedes.
