Meli e Martín seguen a traballar coas súas películas favoritas.

Roteiro literario Álvaro Cunqueiro

 As terras de Mondoñedo, Viveiro e Ortigueira foron as protagonistas do Roteiro literario deste curso 2025-26. Colaboradores da biblioteca e participantes do Club de lectura descubriron a figura de Álvaro Cunqueiro recorrendo lugares emblemáticos que rodearon a súa vida.

Lectura na praza da Catedral, visita á Catedral e museo Álvaro Cunqueiro.

Comida en Viveiro e parada en Ortigueira.

Letras Galegas 2026

 Como grandes investigadores que son, Meli e Martín estiveron traballando o Día das Letras Galegas 2026, dedicado a Begoña Caamaño.

II Faladoiro CPI A Xunqueira

Como preludio ao Día das Letras Galegas, celebramos o II Faladoiro do CPI A Xunqueira coordinado por Luísa e Uxío.

De novo, alumnado de Primaria e ESO puido empregar a nosa lingua nun espazo confortable e seguro para comunicarse con persoas de diferentes idades, voluntarias que fixeron posible isto.

Integramos as actividades na contorna, fomentamos a inclusión e fixemos comunidade ao colaborar con diferentes colectivos e entidades: Aspaneps, Lavandeiras de Sillobre, familias da escola, Centro de Promoción Social, exalumnado e profesorado xubilado do centro, o antigo alcalde de Fene ...e sempre en galego!

 

Celanova 2026

 O alumnado de 2º da ESO realizou unha saída a Celanova durante os días 6, 7 e 8 de maio. Esta é unha visita moi completa que o noso centro realiza todos os anos. 

Visita guiada por Celanova e Vilanova dos Infantes. Aquis Querquenis e Santa Comba de Bande. Kayat no encoro. Ruta de sendeirismo polo parque do Xurés.

                                

Recicla-arte

 Durante todo o ano estivemos deseñando.  

Como punto e final presentamos obras deseñadas polo alumnado de 1º da ESO feitas con material de refugallo.

 

Día do libro

Meli e Martín estiveron traballando o Día do Libro

DÍA DO LIBRO 2026

 Hoxe é 23 de abril, Día do Libro!!!!!

 

No CPI A Xunqueira imos festexalo ao grande lendo libros sen xulgalos pola portada ao escollelos!!

Animádevos a particiapar!!

A primeira hora da mañá colocábanse os libros

Ao final da mañá así quedaba

I Faladoiro do CPI A Xunqueira

 Hoxe tivo lugar o I Faladorio no que participou un grupiño de alumnado de primaria e da ESO. Falaron de forma distendida sobre diferentes temas que foron derivando noutros... o importante foi falar. Falar en galego.

Formáronse pequenos grupos con persoas colaboradoras de diferentes idades. Inmersión lingüística total.

Visita de Antonio M Fraga

 Hoxe veu falar co alumnado de 2º da ESO  Antonio M. Fraga sobre o seu libro O bestiario científico de Anxos Nogueirosa.

Falaron do proceso de documentación, escritura e visitaron os lugares emblemáticos do libro mediante as fotografías que traía o escritor.

Visita de Toni Seixas

 O alumnado de 3º da Eso estivo falando con Toni Seixas na biblioteca sobre o súa faceta de ilustrador.

Semana da prensa

 Moitos cursos traballaron a muller e a prensa e así ligaron o tema do 8M coas novas relativas ás mulleres na prensa.

Os máis pequenos traballaron a prensa con noticias de todo tipo

Na biblioteca houbo exposición de prensa de distintos lugares

Visita de Pere Tobaruela

 O alumnado de 6º de EP recibiu a visita de Pere Tobaruela para falar con eles do seu libro Formigas. Misión Samaín.

O alumnado xa coñecía moitos dos seus libros e de Formigas quedaron encantados.

 

                            

8 M

 Dende 4º para o mundo con información sobre o 8 M!

Moitas novas nos traen estes rapaces.

Nas clases traballouse o 8 M con resultados moi bonitos: