Festa na biblioteca 2026

Hoxe agasallamos ao noso alumnado colaborador da biblioteca e participante  do Club de lectura cunha festa. Houbo comida, bebida, música, diplomas e agasallos para todos. 

Agardamos que o vindeiro ano poidamos contar coa vosa colaboración. 

Moitas grazas!!

 

 Aquí deixamos un álbum con fotos onde podemos ver o ben que o pasamos.

Materiais elaborados polo alumnado de 5º de EP en colaboración con Berta e co alumnado con NEAE

  Trátanse de presentacións en lingua clara, sinxela e accesible, elaboradas arredor de diferentes espazos e proxectos do centro e da contorna, dentro dunha proposta de traballo inclusiva e colaborativa.

Material bonito para dar visibilidade ao traballo do alumnado e á importancia da accesibilidade e da inclusión nos recursos educativos.

Meli e Martín seguen a traballar coas súas películas favoritas.

Concurso de marcapáxinas Letras Galegas 2026

 O alumnado de primaria e secundaria participou no concurso de marcapáxinas que todos os anos se celebra no centro, organizado polo Equipo de Normalización Lingüística.

Estes foron os premiados.

Carla, alumna de 4º EP

Vinicius, un alumno de 1º ESO

Roteiro literario Álvaro Cunqueiro

 As terras de Mondoñedo, Viveiro e Ortigueira foron as protagonistas do Roteiro literario deste curso 2025-26. Colaboradores da biblioteca e participantes do Club de lectura descubriron a figura de Álvaro Cunqueiro recorrendo lugares emblemáticos que rodearon a súa vida.

Lectura na praza da Catedral, visita á Catedral e museo Álvaro Cunqueiro.

Comida en Viveiro e parada en Ortigueira.

Album coas fotos do roteiro.

Letras Galegas 2026

 Como grandes investigadores que son, Meli e Martín estiveron traballando o Día das Letras Galegas 2026, dedicado a Begoña Caamaño.

Na biblioteca houbo exposición das obras de Begoña Caamaño e dos libros que sobre a súa figura foron publicados.

Nas aulas fixéronse exposicións e leron fragmentos da súa obra.

II Faladoiro CPI A Xunqueira

Como preludio ao Día das Letras Galegas, celebramos o II Faladoiro do CPI A Xunqueira coordinado por Luísa e Uxío.

De novo, alumnado de Primaria e ESO puido empregar a nosa lingua nun espazo confortable e seguro para comunicarse con persoas de diferentes idades, voluntarias que fixeron posible isto.

Integramos as actividades na contorna, fomentamos a inclusión e fixemos comunidade ao colaborar con diferentes colectivos e entidades: Aspaneps, Lavandeiras de Sillobre, familias da escola, Centro de Promoción Social, exalumnado e profesorado xubilado do centro, o antigo alcalde de Fene ...e sempre en galego!

 

Celanova 2026

 O alumnado de 2º da ESO realizou unha saída a Celanova durante os días 6, 7 e 8 de maio. Esta é unha visita moi completa que o noso centro realiza todos os anos. 

Visita guiada por Celanova e Vilanova dos Infantes. Aquis Querquenis e Santa Comba de Bande. Kayat no encoro. Ruta de sendeirismo polo parque do Xurés.

                                

Recicla-arte

 Durante todo o ano estivemos deseñando.  

Como punto e final presentamos obras deseñadas polo alumnado de 1º da ESO feitas con material de refugallo.

 

Día do libro

Meli e Martín estiveron traballando o Día do Libro

DÍA DO LIBRO 2026

 Hoxe é 23 de abril, Día do Libro!!!!!

 

No CPI A Xunqueira imos festexalo ao grande lendo libros sen xulgalos pola portada ao escollelos!!

Animádevos a particiapar!!

A primeira hora da mañá colocábanse os libros

Ao final da mañá así quedaba

I Faladoiro do CPI A Xunqueira

 Hoxe tivo lugar o I Faladorio no que participou un grupiño de alumnado de primaria e da ESO. Falaron de forma distendida sobre diferentes temas que foron derivando noutros... o importante foi falar. Falar en galego.

Formáronse pequenos grupos con persoas colaboradoras de diferentes idades. Inmersión lingüística total.

Visita de Antonio M Fraga

 Hoxe veu falar co alumnado de 2º da ESO  Antonio M. Fraga sobre o seu libro O bestiario científico de Anxos Nogueirosa.

Falaron do proceso de documentación, escritura e visitaron os lugares emblemáticos do libro mediante as fotografías que traía o escritor.