Hoxe tivo lugar o I Faladorio no que participou un grupiño de alumnado de primaria e da ESO. Falaron de forma distendida sobre diferentes temas que foron derivando noutros... o importante foi falar. Falar en galego.
Formáronse pequenos grupos con persoas colaboradoras de diferentes idades. Inmersión lingüística total.
Falaron do proceso de documentación, escritura e visitaron os lugares emblemáticos do libro mediante as fotografías que traía o escritor.
O alumnado de 3º da Eso estivo falando con Toni Seixas na biblioteca sobre o súa faceta de ilustrador.
Moitos cursos traballaron a muller e a prensa e así ligaron o tema do 8M coas novas relativas ás mulleres na prensa.
Na biblioteca houbo exposición de prensa de distintos lugares
O alumnado de 6º de EP recibiu a visita de Pere Tobaruela para falar con eles do seu libro Formigas. Misión Samaín.
Dende 4º para o mundo con información sobre o 8 M!
Moitas novas nos traen estes rapaces.
Hoxe veu falar co alumnado de 4º de EP o escritor fenés Ramón Veiga sobre o seu libro Pernascochas. Previamente traballaron o libro na aula, logo xa na biblioteca, o día que veu o escritor estiveron moi participativos e atentos.
No Día de Rosalía de Castro queremos deseñar carteis que nos lembren a súa figura e a súa obra.
Hoxe por fin chegou o día, o Entroido chegou á Xunqueira.
O alumnado do cole estivo moi ocupado durante días para confeccionar os seus disfraces. O lema deste ano é o Deseño galego, e abofé que fixeron bos deseños!!
O tempo deu unha tregua e deixolles facer un pequeno desfile.
Hoxe veu falar co alumnado de 1º ESO Yerai Paz, recoñecido especialista na investigación e divulgación do traxe tradicional galego, incluíndo as vestimentas propias do entroido. O seu labor céntrase na análise histórica, as diferenzas xeográficas e a autenticidade das pezas.
.png)
O Entroido tradicional galego é unha das festas máis ancestrais e singulares de Europa, celebrada entre febreiro e marzo para marcar o fin do inverno e o inicio da primavera.
Yerai deunos unha explicación de por que a data do Entroido varía no tempo, do significado da palabra e de como se vivía o entroido tradicional nas distintas zonas de Galicia. O alumnado escoitou explicacións descoñecidas para eles e formas de vivir o Entroido moi distintas ao que eles están acostumados.
Falounos das máscaras e a recuperación da tradición
Precisamos recuperar as nosas tradicións e necesitamos xente que nos axude a facelo.
