Roteiro literario

 Un ano máis o alumnado do Club de lectura participou nun novo roteiro literario. Este curso dedicado á figura de Concepción Arenal. Os nenos e nenas fixeron as súas lecturas nos lugares máis emblemáticos por onde puideron recoñecer a figura de Concepción Arenal, aprenderon moito sobre a súa vida e socializaron todos xuntos na cidade ferrolá.

                                      

Un mar de lendas con Esperanza Piñeiro

 Para conmemorar o Día do Libro contamos coa presenza de Esperanza Piñeiro que veu falar do seu libro Un mar de lendas cos rapaces de 1º e 2º da ESO.

Os rapaces estiveron moi atentos e fixeron preguntas para logo facer o seu traballo.

23 de abril, Día do libro

 PROPOSTA 23 DE ABRIL DÍA DO LIBRO

TEMÁTICA: TENDEDEIRO DE RECICLAXE DE LIBROS CLÁSICOS DE SEMPRE

XUSTIFICACIÓN: RECICLAR A PALABRA DE ESCRITOR@S DE SEMPRE:

Cervantes, Gianni Rodari, Gloria Fuertes, Roald Dahl, Rosalía de Castro, María Canosa, Paula Carballeira, Xosé Neira Vilas...

Trátase unha actividade creativa na cal se seleccionan da biblioteca de aula ou de centro libros clásicos de sempre ou versións actualizadas.

Cada alumn@ do curso de Infantil elixe un debuxo, unha palabra ou frase curta que se identifique co libro clásico escollido, a partir de Primaria ata a ESO elixen textos curtos e citas literarias do libro escollido que reflictan o que se está a contar no libro; as citas poden imprimirse ou escribirse a man sobre un anaco de papel, o cal se pega logo sobre unha cartolina de cores.

Estes son os resultados:

Decoramos as paredes

Achégase o Día do Libro e os nenos comezan a traballar

 

A Mocidade coa Lingua

 

Hoxe, 30 de marzo, o noso alumnado de 3º de ESO e 4º de Artes Escénicas participou na actividade 

A Mocidade coa Lingua. 

Fixérono moi ben e viñeron encantados desta primeira experiencia. Esperamos que repitan para o próximo curso. 

Aquí tedes os videos da súa actuación

Conversa con Érica Esmorís

O alumnado de 1º e 2º da ESO puido conversar con Érica Esmorís sobre o seu libro Quen salva a un can. 

Estiveron moi atentos, moitos teñen mascotas e senten moito cariño por elas. O libro ensina a querer, respectar ...

 

Revista dixital Bululú

 Compartímosvos aquí a revista literaria Bululeo. Esperamos que vos guste

Charla con Eva Mejuto

 Hoxe veu visitarnos Eva Mejuto para falarnos da súa obra A memoria do silencio

Aprendemos moito sobre as personaxes. Das irmás Touza, as grandes descoñecidas da historia, mulleres galegas afoutas das que moitos deberían aprender. 

Día da poesía

 Hoxe celebramos o Día da poesía coa presenza de Mariola Hermida, unha poeta local que vén presentar o seu ultimo libro Onde nacen os pexegueiros

Como gozamos coa súa poesía!!!

Muller e prensa

Todo o alumnado do centro traballou a muller e a prensa, así tratamos durante a semana da prensa o papel da muller. Que noticias están protagonizadas por mulleres, que mulleres asinan as noticias....os Goya e as mulleres e como non, o deporte e as mulleres. Traballaron moito, investigaron, leron e entenderon cal é o papel da muller a día de hoxe na prensa, que é o que vemos a través dos xornais.

 

Primaria traballou  moito e así o demostra o fermoso mural que crearon

Os maiores visitan A Xunqueira

 Un grupo de alumnos, alumnas e profesoras do noso centro participan nun proxecto de fotografía denominado Fotografía en curso. Realizaron unhas sesións de fotos con homes e mulleres que viven na residencia de ancianos de Laraxe. 

 

Xa que viñeron visitarnos ao noso centro aproveitamos para facerlles unhas entrevistas na radio. 

Aquí vos deixamos o enlace ao seu audio.

Entrevistas aos nosos maiores 

 

 

 

Esperamos que vos gusten

A nós parecéronnos moi interesantes. Os nosos maiores sempre teñen un montón de cousas que contar. 

Aproveitamos para preguntarlles por exemplo temas relacionados coa forma de vida cando eles eran novos e a situación da muller en esa época xa que viñeron en torno ás datas do 8 de marzo.