Día da muller 08/03/2021

 

Un ano máis achégase o día 8 de marzo, día da muller. 

Neste ano tan difícil non queremos deixar de reivindicar o papel da muller na nosa sociedade. Por iso, dende o Equipo de Normalización  e a biblioteca do noso cole, propoñemos a elaboración de acrósticos por parte do alumnado para realizar unha exposición con todos os traballos elaborados. 

Os acrósticos terán como tema central a muller en calquera das súas facetas: investigadora, traballadora, nai, aventureira, ...

Este é o cartel.

 

Unha das nosas alumnas de quinto de primaria elaborou un documento animándonos a participar. 

 

  

E xa fomos recibindo os primeiros traballos....

    

Seguro que axiña chegan máis

Día de Rosalía

 

O día 24 de febreiro, día do nacemento de Rosalía de Castro, aproveitamos para recordar a súa figura.

Esta muller deixou unha gran pegada na nosa cultura. O noso alumnado levou a cabo diversas actividades para acercarse ela e coñecela mellor. Os alumnos e alumnas de 5º de primaria realizaron o vídeo recollendo as distintas tarefas.

Aquí vos deixo o vídeo que prepararon. 

Esperamos que vos guste. 

Tamén decoramos os taboleiros dos corredores con imaxes de Rosalía e acrósticos cos seus poemas

14 de Febreiro San Valentín 2021

 

Este ano, polo 14 de febreiro, recordamos a importancia das palabras de ánimo, apoio, cariño e amistade e celebramos o San Valentín, nome tamén do barrio no que está o noso colexio. 

O alumnado das distintas etapas realizou diversas tarefas: decoración de portas, elaboración de álbumes de poemas, ....

Aquí vos deixo algunha mostra destas actividades. 

 

 

 

 

11 de Febreiro Día da Muller e a Nena na Ciencia

 Este ano quedou demostrada a importancia da cienca para a nosa vida e a nosa saúde. 

A colaboración de todos os científicos a nivel internacional deu froitos moi axiña na loita contra esta pandemia que nos cambiou a vida. 

As mulleres tamén foron parte fundamental nestes avances.

Xa se acerca o 8 de Marzo e a proposta do noso CPI consiste en elaborar un acróstico relacionado coas mulleres. 

Aproveitando esta proposta alumnado de ciencias da ESO elaborou algúns acrósticos sobre mulleres e ciencia.

 

Esperamos que moitas nenas se animen a traballar pola ciencia. 

Damos as grazas a todas as mulleres que traballan pola ciencia e as que axudan a divulgar ciencia, entre elas as encargadas do club de ciencia do noso cpi. 

Entroido 2021 no CPI A Xunqueira

 

Un ano máis chega o Entroido ao CPI A Xunqueira.

Este ano, a pesar da pandemia, imos celebrar esta festa tan galega.

Pero farémolo dun xeito un pouco diferente, a través dun concurso virtual de coplas do Entroido ao que nos convoca o Equipo de Normalización Lingüística do noso cole. 

 

 

Cada día cumprimos co mandato do Meco neste Entroido 2021 

O alumnado de secundaria escribiu unhas coplas 

   

Tríptico coplas secundaria

Todos os nosos alumnos e alumnas festexaron o Entroido nas súas aulas. Tivemos que prescindir do desfile polo barrio, pero deixámosvos aquí o os vídeos que gravaron para que os desfrutedes.

Día da Paz 2021 "Construíndo o muro da paz"

 

 

Un ano máis celebramos o Día da Paz no Cpi a Xunqueira.

Este ano foi un pouco diferente debido ás medidas de prevención da Covid 19, pero aínda así fixemos unha morea de actividades. 

Os nenos e nenas de infantil e primeiro e segundo de Primaria leron o libro Un abrazo para púas e comentárono nas aulas.

 

Os grupos entre terceiro e sexto de Primaria e os grupos da ESO visionaron o documental   “Binta y la gran idea” e reflexionaron sobre el. 

 

Todo o alumnado decorou un bloque ou ladrillo cunha idea sobre a paz. Cada clase compartirá os seus bloques formando o Muro pola Paz do CPI a Xunqueira nos corchos dos corredores. 

 Os nenos e nenas de infantil e primaria aprenderon a canción What a wonderful world   

Fixeron unha coreografía e saíron ao patio bailar todos xuntos pola paz o venres 29 de xaneiro ás 13:00 horas. 

Aquí vos deixo o vídeo que fixemos

Viaxe á lúa

 

Este curso, en novembro, mes da ciencia en galego, fixámonos na Nasa e na viaxe que está preparando para ir á lúa no ano .

Preguntámoslles aos nosos alumnos e alumnas qué cousas levarían á lúa se formaran parte desa expedición da Nasa. 

O club de ciencia publicou no seu blog as aportacións que nos fixeron os nenos e nenas do noso cole. 

Hai algo de todo!!!

Fai clic neste enlace que che deixamos aquí e verás toda a información no blog do club de ciencia.

Qué levarías á lúa 

 

 

Kamishibai La Casita de Chocolate

 

O alumnado de sexto de primaria elaborou un novo kamishibai para contarlles aos nenos e nenas de infantil o conto La Casita de Chocolate.

Espero que vos guste cómo lles quedou.

Aquí tedes o vídeo.

Kamishibai Hola Foca

 

Os nenos e nenas de sexto de primaria contan o conto Hola Foca ao alumnado de infantil.

Déixovos aquí o vídeo da súa representación co Kamishibai.

Esperamos que o disfrutedes!!

Kamishibai Hola Tortuga

 

O noso alumnado de sexto de Primaria creou un novo conto para facer as ledicias dos máis pequenos. 

Nesta ocasión disfrutamos de Hola Tortuga.

Aquí vos deixo o vídeo. Esperamos que vos guste.